Mbrëmjen e djeshme Trepça arriti të shënoj fitore në Prizren ndaj Bashkimit me rezultat 88-71, në finalen e tretë të play-offit në elitën e basketbollit kosovar.

Bashkimi ishte pa lojtarin kryesor të skuadrës, Wendell Green, shkruan Arbresh.info.

Sipas disa aludimeve ai thuhet se ka qenë i testuar pozitivisht me doping dhe kështu nuk do të luaj më në asnjë ndeshje këtë sezon.

Por në një reagime para disa minutave ka dal skuadra e Bashkimit ku i përgënjeshtron të gjitha thashethemet lidhur me basketbollistin amerikan.

Përmes një postimi në Facebook, thuhet se Green ka qenë i sëmurë dhe pritet të rikthehet për ndeshjen e së mërkurës në Mitrovicë.

“Dëshirojmë të informojmë të gjithë tifozët dhe opinionin sportiv se në ndeshjen e djeshme, lojtari ynë Wendell Green nuk u paraqit për shkak të një gjendjeje shëndetësore jo të mirë nga gripi, e cila e pamundësoi pjesëmarrjen e tij në fushë”.

“Gjithashtu, theksojmë se Wendell Green nuk është testuar asnjëherë për test antidoping, dhe çdo spekulim në këtë drejtim është i pabazë dhe i pavërtetë”.

“Pas një rikuperimi të shpejtë, Ëendell tashmë është mirë dhe do të jetë plotësisht i gatshëm për ndeshjen e radhës të mërkurën në Mitrovicë”, thuhet në reagimin e Bashkimit.

Seria finale është 2-1 për Trepçën dhe skuadra që merr katër fitore e para shpallet kampion. Të mërkurën me fillim nga ora 19:00 në palestrën “Minatori”, luhet finalja e katërt./Arbresh.info